ബോളിവുഡ് സംവിധായകൻ കുന്ദൻ ഷാ അന്തരിച്ചു

ബോളിവുഡ് സംവിധായകനും തിരക്കഥാകൃത്തുമായ കുന്ദൻ ഷാ (69) അന്തരിച്ചു. ഹൃദയാഘാതത്തെ തുടർന്ന് മുംബെയിലെ വസതിയിൽ വച്ച് വെള്ളിയാഴ്ച രാത്രിയിലായിരുന്നു അന്ത്യം.

കഭി ഹാൻ കഭി നാ, ജാനോ ബൈ ദോ യാരോ തുടങ്ങിയ സിനിമകൾ സംവിധാനം ചെയ്തിട്ടുണ്ട്. 1983ൽ പുറത്തിറങ്ങിയ ജാനോ ബൈ ദോ യാരോ എന്ന ആദ്യ ചിത്രത്തിന് തന്നെ മികച്ച സംവിധായകനുള്ള ദേശീയ അവാർഡ് ലഭിച്ചിരുന്നു.

ഗജേന്ദ്ര ചൗഹാനെ പുണെ ഫിലിം ഇൻസ്റ്റിറ്റ്യൂട്ട് ചെയർമാനായി നിയമിച്ചതിൽ പ്രതിഷേധിച്ച് അദ്ദേഹം ഈ പുരസ്‌കാരം തിരിച്ച് നൽകുകയും ചെയ്തു. ദൂരദർശനിൽ സംപ്രേക്ഷണം ചെയ്തിരുന്ന നുക്കഡ്, വാഗ്ലെ കി ദുനിയ എന്നിവ സംവിധാനം ചെയ്തിട്ടുണ്ട്.