ഗംഗയില്‍ ബോട്ട് മറിഞ്ഞ് നാലു മരണം

ഉത്തര്‍പ്രദേശിലെ മെജ സബ് ഡിവിഷനില്‍ ഗംഗാ നദിയില്‍ ബോട്ട് മുങ്ങി നാല് പേര്‍ മരിച്ചു. ഇന്നലെ രാത്രിയായിരുന്നു സംഭവം. 16 പേരുമായി ഹാന്‍ഡിയയില്‍നിന്നു മെജയിലേക്ക് പോകുകയായിരുന്ന ബോട്ടാണ് അപകടത്തില്‍പ്പെട്ടത്. ബോട്ടിലുണ്ടായിരുന്ന ബാക്കി 12 പേര്‍ സുരക്ഷിതരാണെന്ന് അധികൃതര്‍ അറയിച്ചു. മരിച്ചവരില്‍ മൂന്നു പേര്‍ മെജ സ്വദേശികളും ഒരാള്‍ ഹാന്‍ഡിയ സ്വദേശിയുമാണ്.