മെസ്സിയുടെ ഹാട്രിക്ക്; അര്‍ജന്റീനയ്ക്ക് ലോകക്കപ്പിലേക്ക് എന്‍ട്രി

അര്‍ജന്റീന ലോകകപ്പ് യോഗ്യത നേടി. ഹാട്രിക്ക് മികവുമായി ലയണല്‍ മെസിയാണ് ടീമിനെ ലോകക്കപ്പിലേക്ക് ആനയിച്ചത്. ഇക്വഡോറിനെയാണ് അര്‍ജന്റീന തറപ്പറ്റിച്ചത്. 3-1ന് ആയിരുന്നു അര്‍ജന്റീനയുടെ ജയം. 12, 20, 62 മിനുട്ടുകളിലാണ് മെസി ഗോള്‍ നേടിയത്. ഇതോടെ ദക്ഷിണഅമേരിക്കന്‍ ഗ്രൂപ്പില്‍ അര്‍ജന്റീന 28 പോയിന്റുമായി മൂന്നാമതായി. 41 പോയിന്റുമായി ബ്രസീലാണ് ഒന്നാം സ്ഥാനത്ത്. 31 പോയിന്റ് നേടിയ ഉറുഗ്വായ് ആണ് രണ്ടാം സ്ഥാനത്ത്. ബ്രസീല്‍, ഉറുഗ്വായ്, അര്‍ജന്‍റീന, കൊളംബിയ ടീമുകളാണ് ലോകകപ്പിന് യോഗ്യത നേടിയത്. അഞ്ചാം സ്ഥാനത്ത് എത്തിയ പെറുവിന് ഓഷ്യാന ഗ്രൂപ്പില്‍നിന്നുള്ള ന്യൂസിലാന്‍ഡുമായി പ്ലേ ഓഫ് ജയിക്കാനായാല്‍ ലോകകപ്പിന് യോഗ്യത നേടാം.