ശബരിനാഥൻ എംഎൽഎയുടെ വാഹനത്തിന് നേരെ ആക്രമണം

അരുവിക്കര എംഎൽഎ കെ.എസ്. ശബരീനാഥന്റെ വാഹനത്തിനു നേരെ ആക്രമണം. വ്യാഴാഴ്ച വൈകുന്നേരത്തോടെ വിതുര കെപിഎസ്എം ജംഗ്ഷനിലായിരുന്നു സംഭവം.

അർധനഗ്‌നനായെത്തിയ യുവാവ് കമ്പിവടി ഉപയോഗിച്ച് കാർ ആക്രമിക്കുകയായിരുന്നു. ഇയാളെ പിന്നീട് പൊലീസ് അറസ്റ്റ് ചെയ്തു. പെരിങ്ങമ്മല മീരാൻവെട്ടികരിക്കകം സ്വദേശി സിദ്ദിക്കാണ് പിടിയിലായത്.

ഇയാൾക്ക് മാനസിക അസ്വാസ്ഥ്യമുണ്ടെന്ന സംശയത്തിലാണ് പൊലീസ്.

attack against sabarinathan MLA