ആർഎസ്എസ് പ്രവർത്തകന്റെ കൊലപാതകം; ഗുരവായൂരിലും പാവറട്ടിയിലും നിരോധനാജ്ഞ

ഗുരുവായൂരിൽ ആർഎസ്എസ് പ്രവർത്തകൻ വെട്ടേറ്റു മരിച്ച സംഭവത്തെ തുടർന്ന് ഗുരുവായൂർ, പാവറട്ടി പോലീസ് സ്‌റ്റേഷൻ പരിധികളിൽ ജില്ലാ കലക്ടർ നിരോധനാജ്ഞ പ്രഖ്യാപിച്ചു.

അതേസമയം, ഗുരുവായൂർ, മണലൂർ നിയോജകമണ്ഡലങ്ങളിൽ ബി.ജെ.പി. ഹർത്താലിനും ആഹ്വാനം ചെയ്തിട്ടുണ്ട്. രാവിലെ ആറുമുതൽ വൈകീട്ട് ആറുവരെയാണ് ഹർത്താൽ.

ഇന്നലെ ഉച്ചയ്ക്കാണ് നെന്മിനി ബലരാമക്ഷേത്രത്തിന് നൂറുമീറ്റർ അകലെയായി നെന്മിനി കടവള്ളി ലക്ഷംവീട് കോളനിയിൽ വടക്കേതരകത്ത് അംബികയുടെ മകൻ ആനന്ദൻ (28) വെട്ടേറ്റ് മരിച്ചത്.