വിമാനം റാഞ്ചുമെന്ന ഭീഷണി; തൃശൂർ സ്വദേശി അറസ്റ്റിൽ

കൊച്ചി-മുംബൈ ജെറ്റ് എയർവേസ് വിമാനം തടിക്കൊണ്ടുപോകുമെന്ന് യാത്രക്കാരന്റെ ഭീഷണി. തൃശൂർ സ്വദേശി ക്ലിൻസ് വർഗീസ് എന്ന യാത്രക്കാരനാണ് വിമാനം തട്ടിക്കൊണ്ടുപോകുമെന്ന് ഭീഷണിപ്പെടുത്തിയത്. ഇയാളെ നെടുമ്പാശേരി പൊലീസ് അറസ്റ്റ് ചെയ്തു.

സഹയാത്രക്കാരനോട് വിമാനം തട്ടിക്കൊണ്ടുപോകുകയാണെന്ന് ക്ലിൻസ് പറഞ്ഞതായി എയർഹോസ്റ്റസാണ് വിമാനത്താവള അധികൃതരുടെ ശ്രദ്ധയിൽപെടുത്തിയത്. ഉടൻ തന്നെ യാത്രക്കാരെ പുറത്തിറക്കി പരിശോധന നടത്തുകയായിരുന്നു.