കാശ്മീരിൽ ഏറ്റുമുട്ടൽ; സൈന്യം മൂന്ന് ഭീകരരെ വധിച്ചു

കശ്മീരിലുണ്ടായ ഏറ്റുമുട്ടലിൽ മൂന്നു ലഷ്‌കർ ഭീകരരെ സുരക്ഷാ സേന വധിച്ചു. ചൊവ്വാഴ്ച രാവിലെ കുപ്‌വാരയിലെ മഗം മേഖലയിലായിരുന്നു ഏറ്റുമുട്ടലുണ്ടായത്.

മഗം മേഖലയിൽ ഭീകരരുടെ സാന്നിധ്യമുണ്ടെന്ന രഹസ്യവിവരം ലഭിച്ചതിന്റെ അടിസ്ഥാനത്തിൽ സിആർപിഎഫും കശ്മീർ പോലീസും സൈന്യവും സംയുക്തമായാണ് തെരച്ചിൽ നടത്തിയത്. പ്രദേശത്തെ വീട്ടിൽ ഒളിച്ചിരുന്ന ഭീകരർ സംയുക്ത സംഘത്തിനു നേരേ ശക്തമായ വെടിവയ്പ് നടത്തി. സേനയും ശക്തമായി തിരിച്ചടിച്ചതോടെ മൂന്നു ഭീകരർ കൊല്ലപ്പെട്ടു.