ടിപി ചന്ദ്രശേഖരന്‍ വധം; സിബിഐ അന്വേഷണം വേണമെന്ന ഹര്‍ജിയില്‍ സര്‍ക്കാറിന്റെ വിശദീകരണം തേടി

ടിപി ചന്ദ്രശേഖരൻ വധക്കേസിൽ സിബിഐ അന്വേഷണം വേണമെന്ന ഹർജിയിൽ ഹൈക്കോടതി സർക്കാരിന്റെ വിശദീകരണം തേടി . വധ ഗൂഡാലോചന അന്വേഷിക്കണമെന്നാവശ്യപ്പെട്ട് ചന്ദ്രശേഖരന്റെ ഭാര്യ കെകെ  രമ സമർപ്പിച്ച ഹർജിയിലാണ് കോടതിയുടെ നിർദേശം . ക്രൈം ബ്രാഞ്ച് അന്വേഷിച്ച കേസിൽ 74 പ്രതികളെ കണ്ടെത്തിയിരുന്നു .കൊലപാതകത്തിനു പിന്നിൽ സിപിഎം ലെ ഉന്നതർക്ക് പങ്കുണ്ടെന്നും പൊലീസ് അന്വേഷണം തൃപ്തികരമല്ലന്നുമാണ് രമയുടെ ആരോപണം . രമ നൽകിയ പരാതിയിൽ മുൻ സർക്കാർ സിബിഐ അന്വേണത്തിന് ഉത്തരവിട്ടെങ്കിലും സിബിഐ  കേസ് ഏറ്റെടുത്തില്ല . കേസ് ഡിസംബർ 4ന് കോടതി പരിഗണിക്കും