പദ്മാവതി സിനിമക്കെതിരെ സംസാരിച്ച മുഖ്യമന്ത്രിമാർക്ക് സുപ്രീം കോടതിയുടെ താക്കീത്

പൊതു ഭരണ സംവിധാനങ്ങളിലിരിക്കുന്നവർ പദ്മാവതി സിനിമയ്‌ക്കെതിരെ പരസ്യ പ്രസ്താവന നടത്തരുതെന്ന താക്കീതുമായി സുപ്രീംകോടതി. പദ്മാവതി സിനിമ നിരോധിക്കണമെന്നാവശ്യപ്പെട്ട് നൽകിയ പൊതുതാത്പര്യ ഹർജി തള്ളിക്കൊണ്ടാണ് സുപ്രീം കോടതി നിരീക്ഷണം നടത്തിയത്. ഈ മാസം ഇത് മൂന്നാം തവണയാണ് പദ്മാവതി സിനിമ നിരോധിക്കണമെന്നാവശ്യപ്പെട്ട ഹർജി കോടതി തള്ളുന്നത്.

സെൻസർ ബോർഡ് അനുവദിച്ചാലും പദ്മാവതി സിനിമ പ്രദർശിപ്പിക്കുന്നത് തടയുമെന്നായിരുന്നു രാജസ്ഥാൻ, ഗുജറാത്ത്, മധ്യപ്രദേശ് മുഖ്യമന്ത്രിമാർ
പരസ്യമായി പറഞ്ഞത്. ഇതിനെതിരെയാണ് സുപ്രീം കോടതി കടുത്ത വിമർശനം ഉന്നയിച്ചത്.

sc warns politicians who spoke against Padmavati