ബലാത്സംഗത്തിന് മധ്യപ്രദേശില്‍ ഇനി വധശിക്ഷ

പന്ത്രണ്ടോ അതില്‍ താഴെയോ പ്രായം ഉള്ള പെണ്‍കുട്ടികളെ ബലാത്സംഗം ചെയ്താല്‍ വധശിക്ഷ നല്‍കാനുള്ള ബില്‍ മധ്യപ്രദേശ് നിയമ സഭ പാസ്സാക്കി. ഐക്യ കണ്ഠ്യേനയാണ് നിയമസഭ ഇത് പാസ്സാക്കിയത്. ഇതുപോലൊരു ബില്‍ പാസ്സാക്കുന്ന ആദ്യത്തെ സംസ്ഥാനമാണ് മധ്യപ്രദേശ്. നിയമ മന്ത്രി രാംപാല്‍ സിംഗാണ് ഈ ബില്‍ നിയമസഭയില്‍ അവതരിപ്പിച്ചത്. ഭരണപക്ഷവും പ്രതിപക്ഷവും ഇത് അംഗീകരിച്ചു. നവംബര്‍ 26ന് മുഖ്യമന്ത്രിയുടെ അധ്യക്ഷതയില്‍ ചേര്‍ന്ന മന്ത്രിസഭാ യോഗമാണ് ഈ ശുപാര്‍ശ മുന്നോട്ട് വച്ചത്.