മുംബൈയിൽ സ്‌കൂളുകൾക്ക് ഇന്ന് അവധി

ഓഖി ചുഴലിക്കൊടുങ്കാറ്റ് മഹാരാഷ്ട്ര ഗുജറാത്ത് തീരത്തോട് അടുക്കുന്നുവെന്ന കാലാവസ്ഥാ നിരീക്ഷണ കേന്ദ്രത്തിന്റെ മുന്നറിയിപ്പിനെ തുടർന്ന് മുംബൈയിൽ ഇന്ന് സ്‌കൂളുകൾക്ക് അവധി പ്രഖ്യാപിച്ചു. മുംബൈയോട് ചെർന്ന ജില്ലകളും സ്‌കൂളുകൾക്ക് അവധി നൽകിയിട്ടുണ്ട്. സുരക്ഷാ മുൻകരുതലിന്റെ ഭാഗമായാണ് നടപടി.

രക്ഷാപ്രവർത്തനത്തിനുള്ള തയ്യാറെടുപ്പുകൾ നടത്തിയതായി അധികൃതർ അറിയിച്ചു.

മഹാരാഷ്ട്രയിലും ഗുജറാത്തിന്റെ തെക്കൻ ഭാഗങ്ങളേയും ലക്ഷ്യമാക്കി നീങ്ങുന്ന ചുഴലിക്കൊടുങ്കാറ്റ് അടുത്ത 24 മണിക്കൂറിനുള്ളിൽ തീരത്തോട് അടുക്കുമെന്നാണ് കാലാവസ്ഥാ നിരീക്ഷണ കേന്ദ്രം മുന്നറിപ്പു നൽകിയത്. ഇതേതുടർന്ന് രണ്ട് സംസ്ഥാനങ്ങളിലേയും തീരമേഖലയിൽ അതീവ ജാഗ്രതാ നിർദേശം നൽകിയിട്ടുണ്ട്.

holiday declared in mumbai schools