ഡിസംബർ 11ന് ഓട്ടോ ടാക്‌സി പണിമുടക്ക്

എറണാകുളം സൗത്ത്, നോർത്ത്, ആലുവ സ്‌റ്റേഷനുകളിൽ ഓൺലൈൻ ടാക്‌സികൾക്ക് പാർക്കിങ്ങ് പെർമിറ്റ് അനുവദിച്ച റെയിൽവേ നടപടിയിൽ പ്രതിഷേധിച്ച് ജില്ലയിൽ ഓട്ടോ, ടാക്‌സി യൂണിയനുകൾ 11 ന് പണിമുടക്കും. രാവിലെ ആറു മുതൽ വൈകിട്ട് ആറു വരെയാകും പണിമുടക്ക്.

ആയിരക്കണക്കിനു രൂപ കെട്ടിവച്ചാണു ഓട്ടോ, ടാക്‌സി തൊഴിലാളികൾ റെയിൽവേ സ്റ്റേഷനുകളിൽ പെർമിറ്റ് എടുത്തിരിക്കുന്നത്. കോർപ്പറേറ്റുകൾക്കു സ്റ്റാൻഡ് ലൈസൻസും പെർമിറ്റും നൽകുക വഴി സാധാരണ തൊഴിലാളികളുടെ ജീവിതം വഴിമുട്ടും.

auto taxi strike on dec 11