പൊന്നാനിയിൽ ഇന്ന് ഹർത്താൽ

പൊന്നാനി നഗരസഭയിൽ ശനിയാഴ്ച ബിജെപി ആഹ്വാനം ചെയ്ത ഹർത്താൽ ആരംഭിച്ചു. പൊന്നാനി ഉപനഗർ കാര്യവാഹ് കടവനാട് ഹരിഹരമംഗലം എണ്ണാഴി സിജിത്തി(29)നെയാണ് ഒരു സംഘം മാരകമായി വെട്ടിപ്പരിക്കേൽപ്പിച്ചതിൽ പ്രതിഷേധിച്ചാണ് ഹർത്താൽ.

രാവിലെ ആറ് മുതൽ വൈകിട്ട് ആറ് വരെയാണ് ഹർത്താൽ. പാൽ, പത്രം, ആശുപത്രി, ശബരിമല തീർത്ഥാടനം തുടങ്ങി അവശ്യ സർവീസുകളെ ഹർത്താലിൽ നിന്നും ഒഴിവാക്കിയിട്ടുണ്ട്. ഗുരുതര പരുക്കേറ്റ സിജിത്ത് എടപ്പാളിലെ സ്വകാര്യ ആശുപത്രിയിൽ ചികിത്സയിലാണ്. ഇത് ഏഴാം തവണയാണ് സിജിത്തിനു നേരെ ആക്രമണം നടക്കുന്നത്.

hartal