ദംഗല്‍ താരത്തിനെ അപമാനിക്കാന്‍ ശ്രമിച്ചയാളെ അറസ്റ്റ് ചെയ്തു

വിമാനയാത്രയ്ക്കിടെ സഹയാത്രികന്‍ ലൈംഗികമായി അപമാനിക്കാന്‍ ശ്രമിച്ച സംഭവത്തില്‍ മുബൈ പോലീസ് പോക്സോ നിയമ പ്രകാരം കേസ് എടുത്തു. രാത്രിയോടെ പ്രതിയെ പോലീസ് അറസ്റ്റ് ചെയ്തിരുന്നു. ദംഗൽ സിനിമയിലെ നായിക സൈറ വസിമിനു നേരെയാണ് കഴിഞ്ഞ ദിവസം വിമാനത്തില്‍ വച്ച് ലൈംഗികാതിക്രമം ഉണ്ടായത്. വിമാനത്തില്‍ സൈറയുടെ അടുത്തിരുന്ന മധ്യവയസ്കനാണ് സൈറയോട് മോശമായി പെരുമാറിയത്. ഇയാള്‍ കാലുവച്ച് സൈറയുടെ ശരീര ഭാഗങ്ങളില്‍ സ്പര്‍ശിക്കുകയായിരുന്നു. വിമാനത്തിലെ അധികൃതരോട് പരാതിപ്പെട്ടെങ്കിലും ആരും ഇത് തടയാന്‍ തുനിഞ്ഞില്ലെന്ന് താരം ഇന്‍സ്റ്റാഗ്രാമിലൂടെ പങ്കുവച്ച വീഡിയോയിലുണ്ട്. നിയന്ത്രണം വിട്ട് പൊട്ടിക്കരഞ്ഞാണ് താരം ഈ വീഡിയോ ചിത്രീകരിച്ചിരിക്കുന്നത് തന്നെ.

നിങ്ങൾ അറിയാൻ ആഗ്രഹിക്കുന്ന വാർത്തകൾനിങ്ങളുടെ Facebook Feed ൽ 24 News
Top
More