കാൽ നൂറ്റാണ്ടിന് ശേഷം ഹിമാചൽ പ്രദേശിൽ സീറ്റ് നേടി സിപിഎം

ഹിമാചൽ പ്രദേശിലെ തിയോഗിൽ സീറ്റ് നേടി സിപിഎം. മുൻ സംസ്ഥാന സെക്രട്ടറിയും കർഷക സംഘടനയായ കിസാൻ സഭയുടെ ഇപ്പോഴത്തെ സംസ്ഥാന സെക്രട്ടറിയുമായ രാകേഷ് സിംഗയാണ് തിയോഗ് മണ്ഡലത്തിൽ നിന്ന് വിജയിച്ചത്. കോൺഗ്രസിന്റെ സിറ്റിംഗ് സീറ്റിലാണ് രാകേഷ് സിംഗയുടെ വിജയം.

ബിജെപി സ്ഥാനാർത്ഥിയായ രാകേഷ് വർമയെ 2131 വോട്ടുകൾക്ക് പിന്നിലാക്കിയാണ് തിയോഗിൽ സിപിഎം സ്ഥാനാർത്ഥി വിജയിച്ചത്.

ഹിമാചലിൽ ആപ്പിൾ കർഷകരെ സംഘടിപ്പിച്ച് നടത്തിയ സമരങ്ങളാണ് രാകേഷ് സിംഗയുടെ ജനപിന്തുണ വർദ്ധിപ്പിച്ചത്.