ജെ യു ഡി ഇ, ഞാന്‍ ജൂഡ്. ടീസറെത്തി

നിവിന്‍ പോളി നായകനാകുന്ന ഏറ്റവും പുതിയ ചിത്രം ‘ഹേയ് ജൂഡി’ന്റെ ടീസര്‍ പുറത്തിറങ്ങി. ചിത്രത്തിന്റെ ആദ്യ ടീസറാണിത്. തൃഷയാണ് ചിത്രത്തിലെ നായിക. ശ്യാമപ്രസാദാണ് ചിത്രത്തിന്റെ സംവിധായകന്‍. ഇ ഫോര്‍ എന്റര്‍ടെയ്ന്‍മെന്റിന്റെ ബാനറില്‍ അനില്‍ അമ്പലക്കര നിര്‍മ്മിക്കുന്ന ചിത്രത്തിന്റെ തിരക്കഥ നിര്‍മ്മല്‍ സഹദേവ്, ജോര്‍ജ്ജ് കാനത്ത് എന്നിവര്‍ ചേര്‍ന്ന് നിര്‍വ്വഹിക്കുന്നു.സിദ്ധിഖ്, മുകേഷ്, പ്രതാപ് പോത്തന്‍, ഉര്‍വ്വശി, അജുവര്‍ഗീസ്, എന്നിവരാണ് ചിത്രത്തിലെ അഭിനേതാക്കള്‍.