പാസഞ്ചര്‍ റദ്ദാക്കിയ നടപടി പിന്‍വലിച്ചു

തിരുവനന്തപുരം – എറണാകുളം സെക്ടറില്‍ എട്ടു പാസഞ്ചര്‍, മെമു ട്രെയിനുകള്‍ രണ്ട് മാസത്തേക്ക് റദ്ദാക്കിയ ദക്ഷിണ റെയില്‍വേയുടെ തീരുമാനം പിന്‍വലിച്ചു. ഇന്ന് മുതല്‍ ട്രെയിനുകള്‍ ഓടിത്തുടങ്ങുമെന്ന് റെയില്‍വേ മന്ത്രി പിയൂഷ് ഗോയല്‍ പാര്‍ലമെന്റില്‍ അറിയിച്ചു.

ട്രെയിന്‍ നമ്പര്‍ 63300 കൊല്ലം- എറണാകുളം മെമു, 66301 എറണാകുളം- കൊല്ലം മെമു, ട്രെയിന്‍ നമ്പര്‍ 56387 എറണാകുളം- കായംകുളം പാസഞ്ചര്‍, 56388 കായംകുളം – എറണാകുളം പാസഞ്ചര്‍, 66307 എറണാകുളം – കൊല്ലം മെമു, 66308 കൊല്ലം – എറണാകുളം മെമു, 56381 എറണാകുളം- ആലപ്പുഴ വഴി കായംകുളം പാസഞ്ചര്‍, 56382 കായംകുളം- അലപ്പുഴ വഴി എറണാകുളം പാസഞ്ചര്‍ എന്നീ ട്രെയിനുകള്‍ പുനരാരംഭിക്കാന്‍ ഗോയല്‍ ദക്ഷിണ റെയില്‍വേ ജനറല്‍ മാനേജര്‍ക്ക് നിര്‍ദ്ദേശം നല്‍കി.