ബിഹാറിൽ ആർ.ജെ.ഡി നേതാവ് വെടിയേറ്റു മരിച്ചു

ബീഹാറിൽ പ്രതിപക്ഷ പാർട്ടിയായ ആർ.ജെ.ഡിയുടെ നേതാവ് അജ്ഞാതരുടെ വെടിയേറ്റു മരിച്ചു. ഹരേറാം യാദവ് ആണ് മരിച്ചത്. സമസ്തിപുർ ജില്ലയിൽ ഇന്ന് പുലർച്ചെയാണ് സംഭവം നടന്നത്. ഹരേറാം പ്രഭാതസവാരി നടത്തുന്നതിനിടെ ബൈക്കിലെത്തിയ രണ്ടംഗ സംഘമാണ് ആക്രമണം നടത്തിയതെന്നാണ് റിപ്പോർട്ട്.

പോയിന്റ് ബ്ലാങ്കിലാണ് അക്രമികൾ വെടിയുതിർത്തത്. പ്രതികളെക്കുറിച്ച് ഇതുവരെ വിവരമൊന്നും ലഭിച്ചിട്ടില്ലെന്ന് പൊലിസ് അറിയിച്ചു.

സംഭവത്തിന് പിന്നാലെ പ്രദേശത്ത് സംഘർഷാവസ്ഥ നിലനിൽക്കുകയാണ്.

RJD leader shot dead