ലാലു പ്രസാദ് യാദവിന്റെ ശിക്ഷാവിധി ജനുവരി 3ന്

കാലിത്തീറ്റ കുംഭകോണക്കേസില്‍ കുറ്റക്കാരനെന്ന് കോടതി വിധിച്ച മുന്‍ ബീഹാര്‍ മുഖ്യമന്ത്രി ലാലു പ്രസാദ് യാദവിന്റെ ശിക്ഷാവിധി ജനുവരി 3ന്. 1991-1994 കാലയളവില്‍ വ്യാജ ബില്ലുകള്‍ നല്‍കി ഡിയോഗര്‍ ട്രഷറിയില്‍ നിന്ന് 89 ലക്ഷം രൂപ പിന്‍വലിച്ചെന്ന കേസിലാണ് ഇന്ന് വിധി വന്നിരിക്കുന്നത്. 15 പേരെ കുറ്റക്കാരെന്ന് കണ്ടെത്തിയ കോടതി ജനുവരി മൂന്നിന് ഇവര്‍ക്കെതിരെയുള്ള ശിക്ഷ വിധിക്കും. ലാലുവിനെതിരെയുള്ള ആറ് കേസുകളില്‍ രണ്ടാമത്തെ കേസിന്റെ വിധിയാണ് ഇന്ന് പുറത്ത് വന്നത്. ആദ്യ കേസില്‍ 2013 സെപ്റ്റംബര്‍ 30ന് ലാലുവിന് അഞ്ച് വര്‍ഷം കഠിനതടവും പിഴയും വിധിച്ചിരുന്നു. എന്നാല്‍ രണ്ട് മാസം ജയിലില്‍ കിടന്ന ലാലു സുപ്രീംകോടതിയില്‍ നിന്ന് ജാമ്യം അനുവദിച്ചതിനെ തുടര്‍ന്ന് പുറത്തിറങ്ങുകയായിരുന്നു.