കൊല്ലത്ത് ഭൂചലനം

കൊല്ലം ജില്ലയുടെ കിഴക്കൻ മേഖലയിൽ നേരിയ ഭൂചലനം. രാത്രി ഒമ്പതരയോടെയാണ് ഭൂചലനം അനുഭവപ്പെട്ടത്. തെന്മല ഡാമിന്റെ പരിസര പ്രദേശങ്ങളായ ഒറ്റക്കൽ, ഉറുകുന്ന് എന്നിവിടങ്ങളിലാണ് ഭൂചലനം ഉണ്ടായത്. ആര്യങ്കാവിലും ഭൂചലനം അനുഭവപ്പെട്ടു.  ഭൂചലനത്തെ തുടർന്ന് ഈ പ്രദേശത്തെ വീടുകളിലെ പാത്രങ്ങളടക്കമുള്ളവ തറയിലേക്ക് വീണു. പരിഭ്രാന്തരായ ആളുകൾ വീട് വിട്ട് പുറത്തിറങ്ങി നിൽക്കുകയാണ്.