ഓഖി ദുരന്തം: ഇനിയും മടങ്ങിയെത്താനുള്ളത് 142 പേർ

ഓഖി ദുരന്തത്തിൽപ്പെട്ട് ഇനിയും മടങ്ങി എത്താനുള്ളത് 142 പേരെന്ന് സർക്കാർ. മരണം സ്ഥിരീകരിച്ച 25 പേരുടെ ആശ്രിതർക്ക് 20 ലക്ഷം രൂപ വീതം അനുവദിച്ച് കഴിഞ്ഞു.

ചെറുവള്ളത്തിൽ പോയ 95 പേരും ബോട്ടിൽ പോയ 47 പേരും മടങ്ങിയെത്താനുണ്ടെന്നാണ് സർക്കാർ കണക്ക്. മരണം സ്ഥിരീകരിച്ച 25 പേരുടെ കുടുംബങ്ങൾക്കാണ് 20 ലക്ഷം രൂപ വീതം അനുവദിച്ചിട്ടുള്ളത്. ബാക്കി നടപടി ക്രമങ്ങൾ പൂർത്തിയാകും വരെ കാണാതായവരുടെ കുടുംബങ്ങൾക്കെല്ലാം പതിനായിരം രൂപ വീതം മുഖ്യമന്ത്രിയുടെ ദുരിതാശ്വാസ നിധിയിൽ നിന്ന് നൽകും.