ബ്ലാസ്റ്റേഴ്‌സ് പരിശീലകന്‍ രാജിവച്ചു

കേരള ബ്ലാസ്റ്റേഴ്‌സിന്റെ മുഖ്യ പരിശീലകന്‍ റെനി മ്യൂലന്‍സ്റ്റീന്‍ രാജിവച്ചു. വ്യക്തിപരമായ കാരണങ്ങളാണ് രാജി വെക്കാന്‍ പ്രേരിപ്പിച്ചതെന്നാണ് റെനി മ്യൂലന്‍സ്റ്റീന്റെ വിശദീകരണം. എന്നാല്‍ ഈ സീസണിലെ ടീമിന്റെ മോശം ഫോം ആണ് രാജിയിലേക്ക് വഴിതെളിച്ച പ്രധാന കാരണമെന്നാണ് കായിക ലോകത്തെ വിലയിരുത്തല്‍. ഏഴ് കളികളില്‍ നിന്ന് ഇതുവരെ ഒരു കളി ജയിക്കാനേ ബ്ലാസ്‌റ്റേഴ്‌സിന് കഴിഞ്ഞിട്ടുള്ളൂ. ഇന്നലെ ബംഗളൂരു എഫ് സിക്കെതിരെ കൊച്ചിയില്‍ നടന്ന ഹോം മാച്ചില്‍ മികച്ച ഫോമിലുള്ള സി.കെ വിനീതിനെ കളിപ്പിക്കാത്തതില്‍ കോച്ചിന് ഏറെ പഴികേള്‍ക്കേണ്ടി വന്നിരുന്നു. ഇന്നലത്തെ കളിയില്‍ ബ്ലാസ്റ്റേഴ്‌സ് പരാജയപ്പെടുകയും ചെയ്തു. അതിനു പിന്നാലെയാണ് കോച്ചിന്റെ രാജിയും.