സുപ്രീം കോടതിയുടെ നടപടിക്രമങ്ങള്‍ സുതാര്യമാകണം; ജസ്റ്റിസ് കുര്യന്‍ ജോസഫ്

ഇന്നലെ സുപ്രീം കോടതിയില്‍ നിന്നിറങ്ങി താനടക്കമുള്ള നാല് ജഡ്ജിമാര്‍ നടത്തിയ വാര്‍ത്തസമ്മേളനത്തില്‍ തെറ്റില്ലെന്ന് ജസ്റ്റിസ് കുര്യന്‍ ജോസഫ്. കോടതിയിലെ പ്രതിസന്ധി ഉടന്‍ തന്നെ പരിഹരിക്കപ്പെടുമെന്നും കോടതിയിലെ പ്രവര്‍ത്തനം കൂടുതല്‍ സുതാര്യമാകാന്‍ മാത്രമാണ് അത്തരത്തിലൊരു പ്രതിഷേധം സംഘടിപ്പിച്ചതെന്നും കുര്യന്‍ ജോസഫ് മാധ്യമങ്ങോട് പറഞ്ഞു. ചീഫ് ജസ്റ്റിസിനെ മാറ്റുകയല്ല ഞങ്ങളുടെ ലക്ഷ്യം. വ്യക്തിപരമായ പ്രശ്‌നങ്ങളല്ല പ്രതിഷേധത്തിന് കാരണം. നടപടി ക്രമങ്ങള്‍ക്ക് കൂടുതല്‍ സുതാര്യത വരുത്താന്‍ ഈ പ്രതിഷേധം വഴി സാധിക്കുമെന്നും ജസ്റ്റിസ് പറഞ്ഞു.