ജഡ്ജിമാര്‍ക്കെതിരെ നടപടി വേണമെന്ന് ആവശ്യം

കോടതിയില്‍ നിന്ന് പുറത്തിറങ്ങി വാര്‍ത്തസമ്മേളനം വിളിക്കുകയും തുടര്‍ന്ന് ചീഫ് ജസ്റ്റിനെതിരെ വിമര്‍ശനം ഉന്നയിക്കുകയും ചെയ്ത നാല് ജഡ്ജിമാര്‍ക്കെതിരെ നടപടി വേണമെന്ന ആവശ്യവുമായി അഭിഭാഷകന്‍ ആര്‍.പി ലൂത്ര ചീഫ് ജസ്റ്റിസ് ദീപക് മിശ്രയെ സമീപിച്ചു. ജഡ്ജിമാര്‍ രാജ്യവിരുദ്ധ ശക്തികള്‍ക്കൊപ്പം നിന്ന് പ്രവര്‍ത്തിച്ചുവെന്നാണ് ആര്‍.പി ലൂത്രയുടെ വാദം. എന്നാല്‍ ഇതിനോട് ചീഫ് ജസ്റ്റിസ് പ്രതികരിച്ചിട്ടില്ല. അതേ സമയം, ഈ വിഷയം ചര്‍ച്ച ചെയ്യാന്‍ ഫുള്‍ കോര്‍ട്ട് വിളിക്കണമെന്ന ആവശ്യത്തെയും ചില ജഡ്ജിമാര്‍ എതിര്‍ത്തു. ഇതിനായ് മാത്രം ഫുള്‍ കോര്‍ട്ട് വിളിക്കുന്നതിനെ ബാര്‍ കൗണ്‍സിലിലെ ഏതാനും ജഡ്ജിമാരാണ് എതിര്‍ത്തത്‌.