ചീഫ് ജസ്റ്റിസ് ജഡ്ജിമാരെ കണ്ടു

കോടതിയില്‍ നിന്ന് പുറത്തിറങ്ങി വാര്‍ത്തസമ്മേളനം നടത്തി ചീഫ് ജസ്റ്റിസിനെതിരെയും കോടതി നടപടികള്‍ക്കെതിരെയും വിമര്‍ശനങ്ങള്‍ ഉന്നയിച്ച ജസ്റ്റിസ് ചെലമേശ്വര്‍ അടക്കമുള്ള നാല് മുതിര്‍ന്ന ജഡ്ജിമാരുമായും ചീഫ് ജസ്റ്റിസ് ദീപക് മിശ്ര കൂടിക്കാഴ്ച നടത്തി. സുപ്രീം കോടതിയില്‍ വെച്ചായിരുന്നു കൂടിക്കാഴ്ച. 15 മിനിട്ടോളം ചീഫ് ജസ്റ്റിസ് ജഡ്ജിമാരുമായി സംസാരിച്ചു. സുപ്രീം കോടതിയില്‍ നടന്ന അസാധാരണ സംഭവങ്ങളെ കുറിച്ച് ദീപക് മിശ്ര ജഡ്ജിമാരുമായി ചര്‍ച്ച നടത്തി. ജഡ്ജിമാരുമായി നാളെയും ചര്‍ച്ചകള്‍ നടക്കും.