പ്രായപൂര്‍ത്തിയായവര്‍ക്ക് സ്വന്തം ഇഷ്ടത്തിനനുസരിച്ച് പങ്കാളിയെ തിരഞ്ഞെടുക്കാം; സുപ്രീം കോടതി

പ്രായപൂര്‍ത്തിയായ യുവതീ യുവാക്കള്‍ക്ക് അവരുടെ ഇഷ്ടത്തിനനുസരിച്ച് ജീവിത പങ്കാളിയെ തിരഞ്ഞെടുക്കാനുള്ള എല്ലാ അവകാശവും ഉണ്ടെന്ന് സുപ്രീം കോടതി. മാതാപിതാക്കള്‍ക്കോ ബന്ധുക്കള്‍ക്കോ അതിനെ എതിര്‍ക്കാനുള്ള അവകാശമില്ല. പ്രായപൂര്‍ത്തിയായ ഓരോരുത്തരുടേയും വ്യക്തിപരമായ താല്‍പര്യമാണ് അത്. ഒപ്പം മിശ്രവിവാഹം കഴിക്കുന്നവര്‍ പ്രായപൂര്‍ത്തിയായവരാണെങ്കിലും ഇതേ നയം തന്നെയാണെന്ന് കോടതി വ്യക്തമാക്കി. അവരെ വിളിച്ച് വരുത്താനോ എതിര്‍നടപടികള്‍ സ്വീകരിക്കാനോ ഖാപ്പ് പഞ്ചായത്തുകള്‍ക്ക് പോലും അധികാരമില്ലെന്ന് സുപ്രീം കോടതി പറഞ്ഞു. ചീഫ് ജസ്റ്റിസ് ഉള്‍പ്പെടെയുള്ള ബെഞ്ചാണ് ഈ കാര്യം വ്യക്തമാക്കിയത്.