ശ്രീജീവിന്റെ കസ്റ്റഡി മരണം; വിജ്ഞാപനത്തിന്റെ പകർപ്പ് ശ്രീജിത്തിന് കൈമാറി

ശ്രീജീവിന്റെ കസ്റ്റഡി മരണം സിബിഐ അന്വേഷിക്കുമെന്ന വിജ്ഞാപനത്തിന്റെ പകർപ്പ് സഹോദരൻ ശ്രീജിത്തിന് കൈമാറി. കരട് വിജ്ഞാപനത്തിന്റെ പകർപ്പ് മുഖ്യമന്ത്രിയുടെ ഓഫീസിലെത്തിയിരുന്നു. എംവി ജയരാജനാണ് പകർപ്പ് ശ്രീജിത്തിന് കൈമാറിയത്.

അന്വേഷണത്തിന് ഉത്തരവിട്ട സാഹചര്യത്തിൽ സമരം നിർത്തണമെന്ന് എംവി ജയരാജൻ ആവശ്യപ്പെട്ടു. എന്നാൽ അന്വേഷണത്തിന്റെ നടപടികൾ തുടങ്ങിയാൽ മാത്രമേ സമരം നിർത്തുവെന്ന് ശ്രീജിത്ത് പറഞ്ഞു.

കഴിഞ്ഞ 771 ദിവസമായി സെക്രട്ടറിയേറ്റ് പടിക്കൽ നിരാഹാര സമരത്തിലായിരുന്നു ശ്രീജിത്ത്.