തനിക്കെതിരെ പരാതിയില്ലെന്ന് ബിനോയ് കോടിയേരി; ബിനോയിക്കെതിരെ ജാസ് ടൂറിസം കമ്പനി

കോടിയേരി ബാലകൃഷ്ണന്റെ മകന്‍ ബിനോയ് കോടിയേരി പണമിടപാടില്‍ കൃത്രിമം നടത്തിയിട്ടുള്ളതില്‍ പരാതിയുണ്ടെന്ന് ദുബായിലെ ജാസ് ടൂറിസം കമ്പനി. കമ്പനി നല്‍കിയ പരാതിയുടെ പകര്‍പ്പും മാധ്യമങ്ങള്‍ക്ക് ലഭിച്ചു. വിവിധ രാജ്യങ്ങളില്‍ ബിസിനസ്സ് ആവശ്യത്തിലേക്കായി 7,87,50,000 രൂപയാണ് ബിനോയി കടം വാങ്ങിയത്. ബാങ്ക് പലിശയുള്‍പ്പെടെ ഇത്‌ 13 കോടി രൂപ വരുമെന്നും ജാസ് കമ്പനി മേധാവി ഹസ്സന്‍ ഇസ്മായീല്‍ അബ്ദുള്ള അല്‍ മര്‍സൂഖി പരാതിയില്‍ പറയുന്നു. എന്നാല്‍ പരാതി രേഖകളില്‍ പറയുന്ന പണമിടപാട് കേസുകളെല്ലാം നിയമപരമായി ഒത്തുതീര്‍ന്നിട്ടുള്ളതാണെന്ന് ബിനോയ് കോടിയേരി പറഞ്ഞു.