കര്‍ണാടകയില്‍ പദ്മാവത് പ്രദര്‍ശിപ്പിച്ച തിയേറ്ററിന് നേരെ പെട്രോള്‍ ബോംബ് ആക്രമണം

കര്‍ണാടകയിലെ ബെല്‍ഗാവില്‍ സഞ്ജയ് ലീല ബന്‍സാലി ചിത്രം പദ്മാവത് പ്രദര്‍ശിപ്പിച്ച പ്രകാശ് തിയേറ്ററിന് നേരെ പെട്രോള്‍ ബോംബ് എറിഞ്ഞ് ആക്രമണം. അഞ്ജാതരാണ് ആക്രമണം നടത്തിയിരിക്കുന്നത്. ഇന്നലെ സെക്കന്‍ഡ് ഷോ കഴിഞ്ഞ് ആളുകള്‍ പുറത്തിറങ്ങിയ നേരത്താണ് ആക്രമണം നടന്നത്. നിരവധി പേര്‍ക്ക് പരിക്കേറ്റു. പോലീസ് അന്വേഷണം ആരംഭിച്ചു. വിവാദ ചിത്രമായ പദ്മാവത് ഇന്നലെയാണ് റിലീസ് ചെയ്തത്. സിനിമയെ എതിര്‍ത്ത് നിരവധി പേരാണ് രംഗത്തെത്തിയിരുന്നത്.