ഉണ്ണി മുകുന്ദനെതിരായ കേസ് ഇന്ന് കോടതിയിൽ

നടൻ ഉണ്ണിമുകുന്ദൻ അപകീർത്തിപ്പെടുത്താനും ഭീഷണിപ്പെടുത്താനും ശ്രമിക്കുന്നുവെന്ന പരാതിയിൽ പരാതിക്കാരിയായ യുവതി ഇന്ന് കോടതിയിൽ ഹാജരാകും.

പരാതിക്കാരിയോട് ഇന്ന് നേരിട്ട് ഹാജരാകാൻ എറണാകുളം സിജെഎം കോടതി നിർദേശം നൽകിയിരുന്നു. തിരക്കഥാകൃത്തായ യുവതി കഥ പറയാനായി ഉണ്ണി മുകുന്ദന്റെ വീട്ടിലെത്തിയപ്പോൾ അവിടെ വെച്ച് പീഡിപ്പിക്കാൻ ശ്രമിച്ചുവെന്ന് ആരോപിച്ച് യുവതി നേരത്തെ പരാതി നൽകിയിരുന്നു.

അതേസമയം, യുവതി കള്ളക്കേസിൽ കുടുക്കാൻ ശ്രമിക്കുകയാണെന്ന് ഉണ്ണി മുകുന്ദന്റെ അഭിഭാഷകനും വാദിച്ചിരുന്നു. വാദം കേട്ട കോടതി പരാതിക്കാരിയോട് ഇന്ന് നേരിട്ട് ഹാജരാകാൻ നിർദേശിക്കുകയായിരുന്നു.

unni mukundan