ഐപിഎല്‍ താരലേലം; ഒടുവില്‍ ഗെയ്ല്‍

പതിനൊന്നാമത് ഐപിഎല്‍ താരലേലത്തില്‍ ഒരു ടീമും ലേലത്തില്‍ എടുക്കാതെ നിന്നിരുന്ന വിന്‍ഡീസ് വെടിക്കെട്ട് ബാറ്റ്‌സ്മാന്‍ ക്രിസ് ഗെയ്‌ലിനെ അവസാനം സ്വന്തമാക്കിയത് കിംങ്‌സ് ഇലവന്‍ പഞ്ചാബ്. ട്വന്റി-20യില്‍ മികച്ച പ്രകടനങ്ങള്‍ നടത്തിയിട്ടുള്ള ഗെയ്‌ലിനെ സ്വന്തമാക്കാന്‍ ആരും ആദ്യ റൗണ്ടില്‍ മുന്നോട്ട് വന്നില്ല. അതിനാല്‍ തന്നെ ഏറെ വൈകിയാണ് പഞ്ചാബ് ഗെയ്‌ലിനെ സ്വന്തം തട്ടകത്തിലെത്തിച്ചത്. ഗെയ്‌ലിന്റെ അടിസ്ഥാന വിലയായ വെറും രണ്ട് കോടി രൂപയാണ് പഞ്ചാബ് ഗെയ്‌ലിന് വേണ്ടി ചെലവഴിച്ചത്. കഴിഞ്ഞ വര്‍ഷം ഗെയ്ല്‍ ബാംഗ്ലൂര്‍ റോയല്‍ ചലഞ്ചേഴ്‌സിലാണ് കളിച്ചത്.