ചെങ്ങന്നൂരില്‍ മത്സരിക്കാനില്ലെന്ന് ശ്രീധരന്‍ പിള്ള; കുമ്മനത്തിന് സാധ്യത

ചെങ്ങന്നൂര്‍ ഉപതിരഞ്ഞെടുപ്പില്‍ ബിജെപി സ്ഥാനാര്‍ഥിയായി മത്സരിക്കുമെന്ന വാര്‍ത്തകളെ നിഷേധിച്ച് പി.എസ് ശ്രീധരന്‍ പിള്ള. കഴിഞ്ഞ തവണ ശ്രീധരന്‍ പിള്ളയാണ് ചെങ്ങന്നൂരില്‍ ബിജെപി സ്ഥാനാര്‍ഥിയായിരുന്നത്. എന്നാല്‍ ഇത്തവണ താന്‍ മത്സരിക്കില്ലെന്ന് പി.എസ്. ശ്രീധരന്‍ പിള്ള വ്യക്തമാക്കി. ഇക്കാര്യം പാര്‍ട്ടി നേതൃത്വത്തെ അറിയിച്ചിതായും അദ്ദേഹം പറഞ്ഞു. അതേ സമയം പാര്‍ട്ടി സംസ്ഥാന അധ്യക്ഷന്‍ കുമ്മനം രാജശേഖരന്‍ ചെങ്ങന്നൂരില്‍ ബിജെപി സ്ഥാനാര്‍ഥിയാകാന്‍ സാധ്യതയുണ്ടെന്നും അഭ്യൂഹങ്ങള്‍ ഉണ്ട്.