റിപ്പോര്‍ട്ട് അംഗീകരിക്കാനാവില്ലെന്ന് മാര്‍.ആലഞ്ചേരി

സീറോ മലബാര്‍ സഭയുടെ ഭൂമിയിടപാട് കേസില്‍ സഭയുടെ അന്വേഷണ കമ്മീഷന്‍ സമര്‍പ്പിച്ച റിപ്പോര്‍ട്ട് അംഗീകരിക്കാനാവില്ലെന്ന് സീറോ മലബാര്‍ സഭയുടെ മേജര്‍ ആര്‍ച്ച് ബിഷപ്പ് മാര്‍.ജോര്‍ജ്ജ് ആലഞ്ചേരി. അന്വേഷണ റിപ്പോര്‍ട്ടിനെതിരെയുള്ള അഭിപ്രായം മെത്രാപ്പോലീത്ത അറിയിച്ചു. സഭയുടെ ഭൂമിയിടപാട് ചര്‍ച്ച ചെയ്യാന്‍ ഇന്ന് ചേര്‍ന്ന വൈദികസമിതിയോഗത്തിലായിരുന്നു മെത്രാപ്പോലീത്ത ഈ കാര്യം അറിയിച്ചത്. അംഗീകരിക്കാനാവാത്ത റിപ്പോര്‍ട്ടാണ് അന്വേഷണ കമ്മീഷന്റേതെന്ന് മാര്‍. ആലഞ്ചേരി പറഞ്ഞു. റിപ്പോര്‍ട്ട് പ്രസിദ്ധീകരിക്കാനാവില്ലെന്നും മെത്രാപ്പോലീത്ത അറിയിച്ചു.