‘ആമി’ പ്രദര്‍ശിപ്പിക്കരുത്; ഹൈക്കോടതിയില്‍ ഹര്‍ജി

മാധവിക്കുട്ടിയുടെ ജീവിത കഥയെ ആസ്പദമാക്കി കമല്‍ സംവിധാനം ചെയ്തിരിക്കുന്ന ‘ആമി’ എന്ന സിനിമയുടെ പ്രദര്‍ശനം വിലക്കണമെന്ന ആവശ്യവുമായി ഹൈക്കോടതിയില്‍ ഹര്‍ജി. മാധവിക്കുട്ടിയുടെ കഥ വളച്ചൊടിച്ചെന്ന് ആരോപിച്ച് ഇടപ്പിള്ളി സ്വദേശിയാണ് ഹൈക്കോടതിയില്‍ ഹര്‍ജി സമര്‍പ്പിച്ചിരിക്കുന്നത്. മാധവിക്കുട്ടിയുടെ ജീവിതത്തെ കുറിച്ച് പറയുന്ന സിനിമയില്‍ പല യഥാര്‍ത്ഥ സംഭവങ്ങളും ഉള്‍പ്പെടുത്താതെയാണ് സിനിമ ഒരുക്കിയിരിക്കുന്നതെന്നാണ് ഹര്‍ജി നല്‍കിയിരിക്കുന്ന ഇടപ്പിള്ളി സ്വദേശി കെ.രാമചന്ദ്രന്റെ അഭിപ്രായം.