യുവതിയെ മതം മാറ്റിയ കേസില്‍ അറസ്റ്റ് രേഖപ്പെടുത്തി

റാന്നി സ്വദേശിയായ യുവതിയെ മതംമാറ്റി സിറിയയിലേക്ക് കടത്താന്‍ ശ്രമിച്ച കേസിലെ മുഖ്യപ്രതിയും യുവതിയുടെ ഭര്‍ത്താവുമായ ന്യൂമാഹി സ്വദേശി മുഹമ്മദ് റിയാസിന്റെ അറസ്റ്റ് രേഖപ്പെടുത്തി. ജിദ്ദയില്‍ നിന്ന് ചെന്നൈ വിമാനത്താവളത്തില്‍ വന്നിറങ്ങിയപ്പോഴാണ് എന്‍ഐഎ അറസ്റ്റ് രേഖപ്പെടുത്തിയത്. വിവാഹം ചെയ്ത ശേഷം മതംമാറ്റി യുവതിയെ സിറിയയിലേക്ക് കടത്തുകയായിരുന്നു മുഹമ്മദ് റിയാസിന്റെ ലക്ഷ്യമെന്ന് എന്‍ഐഎ കണ്ടെത്തിയിരുന്നു. അതേ തുടര്‍ന്നാണ് അന്വേഷണം ഊര്‍ജ്ജിതമാക്കിയത്. ഏതാനും നാളുകള്‍ക്ക് മുന്‍പാണ് കേസ് എന്‍ഐഎ ഏറ്റെടുത്തത്. ഒന്‍പത് പേരെ പ്രതിചേര്‍ത്തായിരുന്നു എന്‍ഐഎ കേസ് രജിസ്റ്റര്‍ ചെയ്തിരുന്നത്. അതിലെ മുഖ്യപ്രതി മുഹമ്മദ് റിയാസ് ആയിരുന്നു.