ദ്രാവിഡിന്റേയും കുട്ടികളുടേയും പോക്കറ്റ് നിറച്ച് ബിസിസിഐ

അണ്ടര്‍ 19 ക്രിക്കറ്റ് ലോകകപ്പ് കിരീടം ചൂടിയ ഇന്ത്യന്‍ ക്രിക്കറ്റ് ടീമിനും ടീമിന്റെ പരിശീലകന്‍ രാഹുല്‍ ദ്രാവിഡിനും കൈനിറയെ പാരിതോഷികങ്ങളുമായി ബിസിസിഐ. ടീമിന്റെ മുഖ്യപരിശീലകനായ മുന്‍ ക്രിക്കറ്റ് താരം രാഹുല്‍ ദ്രാവിഡിന് 50 ലക്ഷം രൂപയാണ് ബിസിസിഐ പ്രഖ്യാപിച്ചിരിക്കുന്നത്. ടീം അംഗങ്ങള്‍ക്ക് 30 ലക്ഷം രൂപ വീതവും ടീമിന്റെ സപ്പോര്‍ട്ടിംഗ് സ്റ്റാഫുകള്‍ക്ക് 20 ലക്ഷം രൂപ വീതവും ബിസിസിഐ പാരിതോഷികമായി നല്‍കും.