സൗത്താഫ്രിക്കയ്ക്ക് തിരിച്ചടിയായി ഡികോക്കും പരമ്പരയില്‍ നിന്ന് പിന്മാറി

ഇന്ത്യയ്‌ക്കെതിരായ ഏകദിന പരമ്പരയിലെ ആദ്യ രണ്ട് മത്സരങ്ങള്‍ തോറ്റതിന്റെ ക്ഷീണം മാറും മുന്‍പ് സൗത്താഫ്രിക്കയ്ക്ക് മറ്റൊരു തിരിച്ചടി കൂടി. എ.ബി ഡിവില്ലിയേഴ്‌സും ഫാഫ് ഡുപ്ലസിസും പരമ്പരയില്‍ നിന്ന് പരിക്കുമൂലം പിന്മാറിയതിനു പിന്നാലെയാണ് ക്വിന്റണ്‍ ഡികോക്കും പരമ്പരയില്‍ നിന്ന് പിന്മാറുന്നത്. ഇന്ത്യയ്‌ക്കെതിരെ മികച്ച ബാറ്റിംഗ് റെക്കോര്‍ഡുള്ള ഡികോക്കിനും വില്ലനായത് പരിക്ക് തന്നെ. കൈക്കുഴയ്‌ക്കേറ്റ പരിക്കാണ് ഡികോക്കിന് വിനയായത്. ട്വന്റി 20 മത്സരങ്ങളും ഡികോക്കിന് നഷ്ടമായേക്കും. ആറ് മത്സരങ്ങളുള്ള പരമ്പരയില്‍ 2-0ത്തിന് ഇന്ത്യ ലീഡ് ചെയ്യുകയാണ്. ഡികോക്ക് കൂടി പിന്മാറുന്നത് സൗത്താഫ്രിക്കയെ കൂടുതല്‍ ദുര്‍ബലമാക്കും.