യുഎഇയിലെ യാത്രവിലക്ക്; ബിനോയ് കോടിയേരി ഇടക്കാല അപേക്ഷ നല്‍കി

കോടിയരി ബാലകൃഷ്ണന്റെ മകന്‍ ബിനോയ് കോടിയേരിക്ക് യുഎഇയില്‍ ഏര്‍പ്പെടുത്തിയിരിക്കുന്ന യാത്രവിലക്ക് ഉടന്‍ നീങ്ങിയേക്കില്ലെന്ന് സൂചന. യുഎഇയില്‍ നിന്ന് പുറത്ത് കടക്കാന്‍ നിരവധി നൂലാമാലകളാണ് ബിനോയ് കോടിയേരിക്ക് മറികടക്കാനുള്ളത്. എന്നാല്‍ ബിനോയ് ഇതിനെതിരെ കീഴ്‌ക്കോടതിയില്‍ ഇടക്കാല അപേക്ഷ നല്‍കിയിട്ടുണ്ട്.
ബിനോയ് നല്കിയ ഇടക്കാല അപേക്ഷയില്‍ വിധി വരാന്‍ ഒരാഴ്ച്ചയെങ്കിലും താമസമുണ്ട്. ഇതിനു ശേഷം മാത്രമേ ബിനോയിക്ക് മേല്‍ക്കോടതിയെ സമീപിക്കാനും അപ്പീല്‍ നല്‍കാനും കഴിയൂ.