പ്രധാന മന്ത്രി പാലസ്തീനില്‍; മഹമൂദ് അബ്ബാസുമായുള്ള കൂടിക്കാഴ്ച ഇന്ന്

പ്രധാനമന്ത്രി നരേന്ദ്ര മോദി ഇന്ന് പലസ്തീൻ പ്രസിഡൻറ് മഹമൂദ് അബ്ബാസുമായി കൂടിക്കാഴ്ച നടത്തും.നരേന്ദ്ര മോദിയെ ശ്രേഷ്ഠ അതിഥി എന്നാണ് പലസ്തീൻ പ്രസിഡൻറ് മഹമൂദ് അബ്ബാസിൻറെ ഓഫീസ് വിശേഷിപ്പിച്ചത്. പലസ്തീനു ശേഷം പ്രധാനമന്ത്രി യുഎഇയിലും ഒമാനിലും എത്തും. ജോർദ്ദാൻ വഴിയാകും പലസ്തീനിൽ എത്തുക.

റമല്ലയിൽ നടക്കുന്ന കൂടിക്കാഴ്ചയ്ക്കു ശേഷം നിരവധി കരാറുകളിൽ ഇരു രാജ്യങ്ങളും ഒപ്പു വയ്ക്കും.റമല്ലയിലെ പ്രസിഡൻഷ്യൽ ഹെഡ്ക്വാർട്ടേഴ്സിലാണ് കൂടിക്കാഴ്ച.  വൈകിട്ട് ആറരയ്ക്ക് യൂഎഇ സന്ദർശനത്തിനായി അബുദാബിയിലെത്തുന്ന മോദിയെ കിരീടവകാശി വിമാനത്താവളത്തിൽ സ്വീകരിക്കും.