ഉപരാഷ്ട്രപതി ഇന്ന് കേരളത്തില്‍

രണ്ട് ദിവസത്തെ കേരള സന്ദര്‍ശനത്തിനായി ഉപരാഷ്ട്രപതി എം. വെങ്കയ്യ നായിഡു ഇന്ന് കേരളത്തിലെത്തും. രാവിലെ സന്ദര്‍ശകരുമായി കൂടിക്കാഴ്ച നടത്തും. മൂന്നരയ്ക്കു കനകക്കുന്നില്‍ ചിത്തിരതിരുനാള്‍ അനുസ്മരണത്തില്‍ പ്രഭാഷണം നടത്തിയ ശേഷം അദ്ദേഹം കോഴിക്കോട്ടേക്ക് തിരിക്കും. നാളെ രാവിലെ 10ന് ഹാജി എ.പി ബാവ കണ്‍വന്‍ഷന്‍ സെന്ററില്‍ ഫാറൂഖ് കോളേജിലെ രജതജൂബിലി ചടങ്ങില്‍ പങ്കെടുക്കും. 11.30 ന് നെല്ലിക്കോട് ചിന്മയാഞ്ജലി ഹാളില്‍ ദേശീയ സെമിനാര്‍ ഉദ്ഘാടനം ചെയ്യാനും ഉപരാഷ്ട്രപതി എത്തും. ഉച്ചയ്ക്ക് ഒന്നിന് കോഴിക്കോട് വിമാനത്താവളത്തില്‍ നിന്ന് ഡല്‍ഹിയിലേക്ക് മടങ്ങും.