കേരള ക്രിക്കറ്റ് അസോസിയേഷന്‍ പ്രസിഡന്റ് ബി. വിനോദ് കുമാര്‍ രാജിവെച്ചു

കേരള ക്രിക്കറ്റ് അസോസിയേഷന്‍ (കെ.സി.എ) പ്രസിഡന്റ് ബി.വിനോദ് കുമാര്‍ രാജിവെച്ചു. ഇടുക്കി ജില്ലാ ക്രിക്കറ്റ് അസോസിയേഷന്റെ സെക്രട്ടറി കൂടിയായിരുന്നു വിനോദ് കുമാര്‍. ഇടുക്കി അസോസിയേഷനില്‍ നിരവധി ക്രമക്കേടുകള്‍ കണ്ടെത്തിയതിനെ തുടര്‍ന്നാണ് രാജിവെക്കാന്‍ തയ്യാറായത്. വിഷയത്തില്‍ കൂടുതല്‍ അന്വേഷണങ്ങള്‍ ആരംഭിച്ചു. അന്വേഷണത്തിന്റെ ഭാഗമായി ഇടുക്കി ക്രിക്കറ്റ് അസോസിയേഷനെ താല്‍ക്കാലികമായി സസ്‌പെന്‍ഡ് ചെയ്തിട്ടുണ്ട്. റോങ്ക്‌ലിന്‍ ജോണാണ് പുതിയ പ്രസിഡന്റ്.