വൈറ്റിലയിൽ മൂന്ന് നില മേൽപ്പാലം; ഹർജി ഹൈക്കോടതി തള്ളി

വൈറ്റിലയിൽ മൂന്ന് നില മേൽപ്പാലം നിർമിക്കണമെന്ന പൊതുതാൽപ്പര്യ ഹർജി ഹൈക്കോടതി തള്ളി. വൈറ്റിലയിൽ 6 വരി മേൽപ്പാലം നിർമിക്കുമെന്നും നിർമാണം ആരംഭിച്ചു കഴിഞ്ഞെന്നുമുള്ള സർക്കാർ നിലപാട് അംഗീകരിച്ചാണ് കോടതിയുടെ നടപടി. സർക്കാർ ഖജനാവിന് ചെലവ് പരമാവധി കുറച്ചും ഏറ്റവും കുറഞ്ഞ തോതിൽ ഭൂമി ഏറ്റെടുത്തുമാണ് നിർമാണം. ഹർജിക്കാരന്റേതടക്കം നിർദ്ദേശങ്ങൾ
രണ്ടാം ഘട്ട വികസനത്തിൽ പരിഗണിക്കാവുന്നതാണെന്നും സർക്കാർ ബോധിപ്പിച്ചു.