മേഘാലയയില്‍ തിരഞ്ഞെടുപ്പ് ഫെബ്രുവരി 27-ന്

മേഘാലയയില്‍ 60 സീറ്റുകളിലേക്ക് നടക്കുന്ന നിയമസഭാ തിരഞ്ഞെടുപ്പ് ഫെബ്രുവരി 27ന്. കോണ്‍ഗ്രസും നാഷ്ണല്‍ പീപ്പിള്‍സ് പാര്‍ട്ടിയും ബിജെപിയും തിരഞ്ഞെടുപ്പ് തട്ടകത്തില്‍ കൊമ്പുകോര്‍ക്കും. 370 സ്ഥാനാര്‍ഥികളാണ് മത്സരരംഗത്ത് ജനവിധി തേടുക. നിലവില്‍ കോണ്‍ഗ്രസാണ് മേഘലയയില്‍ ഭരണം നടത്തുന്നത്. മുഖ്യമന്ത്രിയായ മുകള്‍ സാങ്മ ഇത്തവണ രണ്ടിടത്താണ് ജനവിധി തേടുന്നത്. ഈ തിരഞ്ഞെടുപ്പില്‍ എല്ലാ സീറ്റുകളിലും മത്സരിക്കുന്നത് കോണ്‍ഗ്രസ് മാത്രമാണ്. മാര്‍ച്ച് മൂന്നിനാണ് വോട്ടെണ്ണല്‍ നടക്കുക.