കൊലപാതകം കളങ്കമായി; മന്ത്രി എ.കെ. ബാലന്‍

കണ്ണൂര്‍: മട്ടന്നൂരിലെ യൂത്ത് കോണ്‍ഗ്രസ് പ്രവര്‍ത്തകന്‍ ശുഹൈബിന്റെ കൊലപാതകത്തെ അപലപിച്ച് മന്ത്രി എ.കെ. ബാലന്‍. കൊലപാതകം കളങ്കമായിയെന്ന് അദ്ദേഹം പറഞ്ഞു. കണ്ണൂരിലെ സര്‍വ്വകക്ഷി സമാധാന യോഗത്തിനുശേഷം സംസാരിക്കുകയായിരുന്നു അദ്ദേഹം. കണ്ണൂരില്‍ സമാധാനം പുനസ്ഥാപിക്കാനുള്ള പ്രവര്‍ത്തനങ്ങള്‍ക്ക് ഭംഗം വരുത്തുന്നതാണ് ഈ കൊലപാതകം. കൊലപാതകത്തില്‍ മുഖംനോക്കാതെ നടപടിയെടുക്കും. സമാധാനം പുനസ്ഥാപിക്കാന്‍ എല്ലാവരും ഒത്തൊരുമിച്ച് പ്രവര്‍ത്തിക്കണം. കോണ്‍ഗ്രസിനെ വിശ്വാസിലെടുത്തായിരിക്കും തുടര്‍ന്നുള്ള എല്ലാ നടപടികളും സര്‍ക്കാര്‍ സ്വീകരിക്കുക. കോണ്‍ഗ്രസുമായി ചര്‍ച്ച ചെയ്ത ശേഷമേ സര്‍വ്വകക്ഷി സംഘം ശുഹൈബിന്റെ കുടുംബം സന്ദര്‍ശിക്കുകയുള്ളൂവെന്നും മന്ത്രി എ.കെ. ബാലന്‍ മാധ്യമങ്ങളോട് പറഞ്ഞു.