കൊലപാതകത്തില്‍ സിപിഐക്ക് പങ്കില്ലെന്ന് കാനം

മണ്ണാര്‍ക്കാട് എം.എസ്.എഫ് പ്രവര്‍ത്തകന്‍ സഫീറിന്റെ കൊലപാതകത്തില്‍ സിപിഐക്ക് പങ്കില്ലെന്ന് സിപിഐ സംസ്ഥാന സെക്രട്ടറി കാനം രാജേന്ദ്രന്‍ പറഞ്ഞു. പോലീസ് പിടികൂടിയ പ്രതികള്‍ സിപിഐ അംഗങ്ങളാണെന്നതിനാല്‍ ഇതൊരു രാഷ്ട്രീയ കൊലപാതകമാണെന്ന തരത്തിലുള്ള വാര്‍ത്തകള്‍ പ്രചരിപ്പിച്ചതിനു പിന്നാലെയാണ് കാനത്തിന്റെ പ്രതികരണം. ഏതെങ്കിലും കാരണവശാല്‍ കൊലപാതകവുമായി പാര്‍ട്ടിക്ക് ബന്ധമുണ്ടെന്ന് തെളിഞ്ഞാല്‍ അതിനെതിരെ ശക്തമായ നടപടികള്‍ സ്വീകരിക്കുമെന്നും കാനം പറഞ്ഞു. സഫീറിന്റെ മരണം രാഷ്ട്രീയകൊലപാതകമല്ലെന്ന് സഫീറിന്റെ പിതാവ് നേരത്തേ മാധ്യമങ്ങോട് പറഞ്ഞിരുന്നു. അതിനു പിന്നാലെയാണ് പാര്‍ട്ടിക്ക് പങ്കില്ലെന്ന പ്രസ്താവനയുമായി കാനം രാജേന്ദ്രന്‍ രംഗത്തെത്തിയത്.