ചെറുപുഴയില്‍ വിദ്യാര്‍ത്ഥികളുടെ ദേഹത്തേക്ക് വാഹനം ഇടിച്ചുകയറി ഒരു വിദ്യാര്‍ത്ഥിനി മരിച്ചു

കണ്ണൂര്‍: ചെറുപുഴയില്‍ സ്‌കൂളില്‍ നിന്ന് ക്ലാസ് കഴിഞ്ഞ് വീടുകളിലേക്ക് മടങ്ങുകയായിരുന്ന വിദ്യാര്‍ത്ഥികള്‍ക്കിടയിലേക്ക് നിയന്ത്രണം വിട്ട പിക്കപ്പ്‌വാന്‍ ഇടിച്ചുകയറി ഒരു വിദ്യാര്‍ത്ഥിനി മരിച്ചു. ചെറുപുഴയിലെ സെന്റ്. ജോര്‍ജ്ജ് സ്‌കൂളിലെ വിദ്യാര്‍ത്ഥികള്‍ക്കിടയിലേക്കാണ് വാഹനം ഇടുച്ചുകയറിയത്. നാല് കുട്ടികള്‍ക്ക് പരിക്കേറ്റതായും റിപ്പോര്‍ട്ടുകള്‍ ഉണ്ട്. സ്‌കൂളില്‍ നിന്ന് പരീക്ഷ കഴിഞ്ഞ ശേഷം മടങ്ങിവരികയായിരുന്നു കുട്ടികള്‍. അതിനിടയിലാണ് അതിദാരുണമായ സംഭവങ്ങള്‍ അരങ്ങേറിയത്.