സിപിഐ സംസ്ഥാന സമ്മേളനം; പ്രതിനിധി സമ്മേളനം ഇന്ന് മുതല്‍

സിപിഐ സംസ്ഥാന സമ്മേളനത്തിന് മലപ്പുറത്ത് പതാക ഉയര്‍ന്നു. മലപ്പുറം ടൗണ്‍ ഹാളിന് മുന്നില്‍ പാര്‍ട്ടിയുടെ ആദ്യകാല നേതാക്കളില്‍ ഒരാളായ പ്രൊഫസര്‍ ഇ പി മുഹമ്മദാലിയാണ് പതാക ഉയര്‍ത്തിയത്.നൂറു കണക്കിന് പ്രവര്‍ത്തകരുടെ അകമ്പടിയോടെയാണ് കൊടിമര പതാകജാഥകള്‍ മലപ്പുറത്ത് സംഗമിച്ചത്.

ഇന്ന് നടക്കുന്ന പ്രതിനിധി സമ്മേളനം ജനറല്‍ സെക്രട്ടറി സുധാകര്‍ റെഡ്ഢി ഉദ്ഘാടനം ചെയ്യും. 593 പ്രതിനിധികളാണ് സമ്മേളത്തില്‍ പങ്കെടുക്കുന്നത്. ഉദ്ഘാടനത്തിന് ശേഷം സംസ്ഥാന സെക്രട്ടറി കാനം രാജേന്ദ്രന്‍ രാഷ്ട്രീയ, പ്രവര്‍ത്തന, റിപ്പോര്‍ട്ടുകള്‍ അവതരിപ്പിക്കും. നാലാം തീയതി വൈകിട്ട് നടക്കുന്ന പൊതുസമ്മേളനവും സുധാകര്‍ റെഡ്ഢി ഉദ്ഘാടനം ചെയ്യും