ബിപ്ലബ് കുമാര്‍ ദേബ് ത്രിപുരയില്‍ മുഖ്യമന്ത്രിയായേക്കും

ബിജെപി സംസ്ഥാന അധ്യക്ഷനായ ബിപ്ലബ് കുമാര്‍ ദേബിനെ ത്രിപുരയിലെ മുഖ്യമന്ത്രിയാക്കാന്‍ സാധ്യത. 59 സീറ്റുകളിലേക്ക് നടന്ന തിരഞ്ഞെടുപ്പില്‍ ബിജെപി വിജയം ഉറപ്പിച്ച സാഹചര്യത്തിലാണ് ബിപ്ലബ് ദേബ് ആയിരിക്കും മുഖ്യമന്ത്രി സ്ഥാനത്ത് എത്തുക എന്ന് പാര്‍ട്ടി നേതൃത്വം അറിയിച്ചു. 41 സീറ്റുകളിലാണ് ബിജെപി ലീഡ് ചെയ്യുന്നത്. ഭരണകക്ഷിയായ സിപിഎമ്മിന് 18 മണ്ഡലങ്ങളില്‍ മാത്രമാണ് മുന്നേറ്റം നടത്താന്‍ കഴിഞ്ഞിരിക്കുന്നത്. സംസ്ഥാനത്ത് നടത്തിയ ബിജെപിയുടെ തിരഞ്ഞെടുപ്പ് പ്രചാരണത്തില്‍ ഏറ്റവും ശ്രദ്ധിക്കപ്പെട്ട വ്യക്തിത്വമായിരുന്നു സംസ്ഥാന അധ്യക്ഷന്‍ കൂടിയായ ബിപ്ലബിന്റേത്.