തമിഴ്നാട്ടില്‍ പെരിയാറിന്റെ പ്രതിമ തകര്‍ത്ത സംഭവത്തില്‍ ഒരാള്‍ പിടിയില്‍

തമിഴ്നാട്ടില്‍ പെരിയാറിന്റെ പ്രതിമ തകര്‍ത്ത സംഭവത്തില്‍ ഒരാള്‍ പിടിയില്‍. ബിജെപി പ്രവര്‍ത്തകനാണ് പിടിയിലായത്.
ബിജെപി ദേശീയ സെക്രട്ടറി എച്ച്‌.രാജയുടെ ഫെയ്സ്ബുക് പോസ്റ്റിനു പിന്നാലെയാണ് പ്രതിമ ആക്രമിക്കപ്പെട്ടത്. തിരുപ്പത്തൂര്‍ കോര്‍പറേഷന്‍ ഓഫിസിലെ പെരിയാര്‍ പ്രതിമയാണു ഇന്നലെ രാത്രിയോടെ നശിപ്പിച്ചത്.ത്രിപുരയിൽ ലെനിന്റെ പ്രതിമ തകർത്തതുപോലെ തമിഴ്നാട്ടിൽ പെരിയാർ പ്രതിമകളും തകർക്കുമെന്നായിരുന്നു എച്ച്.രാജയുടെ ഫെയ്സ് ബുക്ക് പോസ്റ്റ്. ഇതിന് തൊട്ട് പിന്നാലെയാണ് പ്രതിമ തകര്‍ത്തത്. സംഭവം വിവാദമായതോടെ പോസ്റ്റ് പിന്‍വലിച്ചിരുന്നു. പ്രതിമയുടെ മൂക്കും കണ്ണടയുമാണ് തകര്‍ത്തത്.