കൊലക്കേസിലെ പ്രതികള്‍ക്കെതിരെ സിപിഎം നടപടി സ്വീകരിച്ചു

കണ്ണൂര്‍ ഷുഹൈബ് കൊലക്കേസിലെ പ്രതികള്‍ക്കെതിരെ നടപടി സ്വീകരിച്ച് സിപിഎം. കൊലക്കേസില്‍ പോലീസ് അറസ്റ്റ് ചെയ്ത പ്രതികളില്‍ പാര്‍ട്ടി അംഗങ്ങളായ നാല് പേരെ പാര്‍ട്ടിയില്‍ നിന്നും പുറത്താക്കി. കണ്ണൂര്‍ ജില്ലാ കമ്മിറ്റിയാണ് പ്രതികള്‍ക്കെതിരെ നടപടി സ്വീകരിച്ചത്. പ്രതികളായ ആകാശ് തിലങ്കേരി, ടി.കെ. അസ്‌കര്‍, കെ.അഖില്‍, സി.എസ്. ദീപ്ചന്ദ് എന്നീ പ്രവര്‍ത്തകരെയാണ് പാര്‍ട്ടിയില്‍ നിന്ന് പുറത്താക്കിയിരിക്കുന്നത്. മുഖ്യമന്ത്രി പിണറായി വിജയനും സിപിഎം സംസ്ഥാന സെക്രട്ടറി കോടിയേരി ബാലകൃഷണനും പങ്കെടുത്ത യോഗത്തിലാണ് പാര്‍ട്ടിയുടെ നടപടി.